yordam dasturlari haqida

Qayerga murojaat qilinadi?

Bolalar nafaqasi yoki moddiy yordam tayinlash uchun ariza zarur hujjatlar bilan birga bevosita fuqarolarning o‘zini o‘zi boshqarish organiga (mahallaga) taqdim etiladi.

2024-yil 1-apreldan boshlab:

1) Yagona interaktiv davlat xizmatlari portali (my.gov.uz);

2) davlat xizmatlari markazlari;

3) “Inson” ijtimoiy xizmatlar markazlarining ijtimoiy xodimlari orqali ariza berish imkoni yaratildi.

Ariza topshirishda qanday hujjatlar talab etiladi?

Ariza topshirishda quyidagi hujjatlar talab etiladi:

1) ariza beruvchi va oila a’zolarining O‘zbekiston Respublikasi pasporti yoki ID-kartalari;

2) oilaning mavjud chorva mollari va parrandalari, nomiga rasmiylashtirilmagan, biroq foydalanuvida boʻlgan avtotransport vositalari, bogʻ va dehqon xoʻjalik yerlari, noturar joylari toʻgʻrisida maʼlumot;

3) ariza beruvchi va uning oila aʼzolari nomidagi tijorat banki hisobvaraqlaridagi mablagʻ va pul oʻtkazmalari oʻrganilishi uchun ariza.

Alohida hollarda, shuningdek quyidagilar talab etiladi:

a) chet el fuqarolari, fuqaroligi bo‘lmagan shaxslarning yashash guvohnomalari, fuqaroligi bo‘lmagan shaxs guvohnomalari yoki ID-kartalari hamda yashash joyi bo‘yicha ro‘yxatga olinganligi to‘g‘risida qayd varag‘i;

b) bolalari vasiylik ostida bo‘lgan taqdirda, arizaga vasiylik va homiylik organi qarorining nusxasi.

Mahalla xodimlari yuqoridagi hujjatlar bilan qanday ishlaydi?

1) barcha hujjatlarning to‘liq taqdim etilganligi tekshiradi;

2) ariza beruvchining oila tarkibi to‘g‘risidagi ma’lumotni tasdiqlaydi;

3) arizani maxsus ro‘yxatga olish daftarida qayd etiladi;

4) har 5 kunda, biroq ariza berilgan oyning 19-sanasiga qadar ariza va zarur hujjatlarni “Inson” ijtimoiy xizmatlar markaziga taqdim etadi.

Arizalar nechanchi sanagacha qabul qilinadi?

Arizalar to’lovni olishni istayotgan oydan oldingi oyning 16-sanasiga qadar taqdim etiladi.

Bunda yuqorida ko‘rsatib o‘tilgan muddatdan keyin berilgan arizalar belgilangan tartibda keyingi oyda ko‘rib chiqiladi.

“Inson” ijtimoiy xizmatlar markazlarining mas’ul xodimlari tomonidan nimalar qilinadi?

Ariza va taqdim etilgan hujjatlar “Inson” ijtimoiy xizmatlar markazlarining masʼul xodimlari tomonidan har kuni, biroq ariza berilgan oyning 26-sanasigacha “Ijtimoiy himoya yagona reestri” axborot tizimiga kiritiladi.

Arizani kim ko‘rib chiqadi va qaror qanday qabul qilinadi?

Oilani kam ta’minlangan deb e’tirof etish hamda ularga bolalar nafaqasi va moddiy yordamni tayinlash va to‘lash to‘g‘risidagi qarorlar «Ijtimoiy himoya yagona reestri» axborot tizimida avtomatik shakllantiriladi va qabul qilinadi. Ariza beruvchiga bolalar nafaqasi yoki moddiy yordam tayinlash to‘g‘risida yoki rad etilgan holda rad etish sabablari ko‘rsatilgan elektron xabar arizada ko‘rsatilgan mobil telefon raqamiga SMS ko‘rinishda yuboriladi.
Oilaning moddiy va mulkiy holati to’lovlar amalga oshirilishi davrida avtomatik ravishda har oyda tekshirib boriladi.

Qanday holatlarda bolalar nafaqasi yoki moddiy yordam tayinlash rad etiladi?

• ariza beruvchi oilasining har bir aʼzosiga toʻgʻri keladigan bir oylik oʻrtacha jami daromad minimal isteʼmol xarajatlari (648 000 soʻm) miqdoridan koʻp boʻlganida;
• jami bittadan ortiq koʻchmas mulki yoki bir va undan ortiq noturar joy binolari mavjud boʻlganda;
• ishlab chiqarilgan muddati 12 (oila aʼzosi I yoki II guruh va 18 yoshgacha bolalikdan nogiron boʻlsa 7) yildan oshmagan yengil avtotransport vositasi boʻlganda;
• ishlab chiqarilgan muddati 15 yildan oshmagan boshqa turdagi avtotransport vositasi va texnikasi boʻlganda;
• jami 2 va undan ortiq avtotransport vositalari boʻlganida;
• oilaning tijorat banklaridagi depozit hisobvaraqlarida mablagʻlari yoki qimmatli qogʻozlarining bozor qiymati mehnatga haq toʻlash eng kam miqdorining 5 baravari (5,25 mln.soʻm) va undan ortiq miqdorda boʻlganda;
• rasmiy daromad manbalariga ega boʻlmagan va oxirgi 6 oy mobaynida ish izlab bandlikka koʻmaklashish organlariga murojaat qilmagan aʼzosi mavjud boʻlganda;
• ishsizlik nafaqasini olayotgan aʼzolari mavjud boʻlganda;
• nizomga asosan boshqa holatlar.

Nafaqa to‘lovlari qachon va qayerda amalga oshiriladi?

AT Xalq banki bo‘limi (filiali) tomonidan bolalar nafaqasi yoki moddiy yordam to‘lovi oyning 4-sanasidan 27-sanasiga qadar amalga oshiriladi. To‘lov ro‘yxat (vedomost)lari AT Xalq bankining tuman (shahar) bo‘limiga taqdim etilganida ariza beruvchi SMS orqali xabardor qilinadi.

Onlayn arizani 2024-yil apreldan boshlab qoldirish mumkin. Hozirda mavjud imkoniyatlar:

1) Kam taʼminlangan deb eʼtirof etilgan oila toʻgʻrisida maʼlumotnomani onlayn olish;
Maʼlumotnoma olish

2) Bolalar nafaqasi yoki moddiy yordam tayinlamasdan “Ijtimoiy himoya yagona reestri” ga kirish uchun onlayn ariza berish.
Ariza topshirish