yordam dasturlari haqida

Davlat pensiyasini tayinlash uchun zarur ish stajiga ega bo‘lmagan I yoki II guruh nogironligi bo‘lgan shaxs deb topilgan shaxslarga.

Qayerga murojaat qilinadi?

Davlat xizmatlari markazlariga o‘zi kelib yoki “Inson” ijtimoiy xizmatlari markazlariga yoki davlat xizmatlaridan elektron tarzda foydalanish uchun Yagona interaktiv davlat xizmatlari portalida ro‘yxatdan o‘tgan holda murojaat qiladi.

Murojaat qilish jarayonida qanday hujjatlar talab etiladi?

Murojaat qilish jarayonida alohida hujjatlar talabisiz elektron so‘rovnoma to‘ldiriladi.

Murojaatlar nechanchi sanaga qadar qabul qilinadi?

Cheklovlar belgilanmagan.

Murojaatni kim ko‘rib chiqadi va qaror qanday qabul qilinadi?

Murojaatlar raqamlashgan tarzda “Yagona milliy ijtimoiy himoya” axborot tizimi orqali ko‘rib chiqiladi.

Murojaatchining ma’lumotlari o‘rganganidan so‘ng nafaqa tayinlash yoki tayinlashni rad etish to‘g‘risida qaror qabul qilinadi va bu haqdagi ma’lumot murojaat qiluvchining mobil telefon raqamiga SMS shaklida yuboriladi (davlat xizmatlari markazi orqali murojaat qilinganida tegishli davlat xizmatlari markaziga).

Qanday holatlarda nafaqani tayinlash rad etiladi?

Elektron axborot almashinuvi orqali quyidagilar hollarda:

1) shaxsning I yoki II guruh nogironligi tasdiqlanmaganda;

2) nafaqa tayinlash uchun murojaat qilgan qonuniy vakili bilan aloqalari (ota-onalik yoki vasiylik/homiylik) tasdiqlanmaganda;

–

3) shaxsga nogironlik pensiyasi tayinlangan bo‘lsa.

Nafaqa to‘lovlari qachon va qayerda amalga oshiriladi?

Nafaqalar oluvchining xohishiga koʻra fuqarolarning depozit hisobvaraqlariga (plastik kartasiga) pul oʻtkazish yoʻli bilan yoki naqd shaklida AT “Xalq banki” boʻlimi (filiali) tomonidan toʻlanadi.

Bankning masʼul xodimlari naqd shakldagi toʻlovlarni mahallarga yetkazgan holda har oy toʻlab boradi.